अंजीर हे फळ प्राचीन काळापासून उत्तम मानले जाणारे आहे.अंजीर ताजेही आपण खाऊ शकतो आणि वाळवूनही वर्षभर खाता येते या फळामध्ये नैसर्गिक गोडवा, भरपूर प्रमाणात फायबर, व्हिटॅमिन्स आणि मिनरल्स असतात. त्यामुळे हे फळ शरीराला ऊर्जा देत. यामध्ये फायबर, कॅल्शिअम, पोटॅशिअम, अँटीऑक्सडाइडंट्स भरपूर प्रमाणात उपलब्ध आहेत. अंजीर हे एक सुपरफूड आहे याच सेवन रोजच्या आहारात असेल तर पचन, त्वचा, हाडे, हृदय सगळं काही सुधारत.

• 
  

  अंजीर खाण्याचे फायदे –

  1) अंजीर फायबरयुक्त असल्याने पचनक्रिया सुरळीत राहते.

  अंजीर फायबरने परिपूर्ण असल्यामुळे पचन सुधारते, पोट साफ राहते. ज्यांना रोजचा पोट साफ न होण्याचा त्रास असतो, त्यांनी 2-3 अंजीर रात्री पाण्यात भिजवून सकाळी खाल्ले तरी काही दिवसांतच बदल जाणवतो.

   

  2) वजन नियंत्रणात ठेवण्यास मदत –

  या फळामध्ये फायबरचं प्रमाण जास्त असल्यामुळे अंजीर खाल्यावर पोट जास्त वेळ भरल्यासारखे वाटते. त्यामुळे अनावश्यक खाणे कमी होते. पण वजन वाढू नये म्हणून अतिसेवन करणे योग्य नाही, कारण अंजीरच्या कॅलरी तुलनेने जास्त असतात.

   

  3) हाडांसाठी पोषण –

  अंजीरमध्ये कॅल्शिअम, पोटॅशिअम आणि मॅग्नेशिअम मुबलक प्रमाणात असतात. हि तिन्ही मिनरल्स हाडे मजबूत ठेवण्यासाठी आवश्यक आहेत. वाढत्या वयात हाडांची झीज होऊ नये म्हणून आहारात अंजीर असणे खूप फायद्याचे आहे.

  

  4) त्वचेला नैसर्गिक ग्लो येतो.

  अंजीरमध्ये अँटिऑक्सिडंट्स असल्यामुळे त्वचा उजळते, टवटवीत दिसते आणि सुरकुत्याही काही प्रमाणात कमी होतात.

  5) ऊर्जा वाढते

  अंजीर हे नैसर्गिक sugars (glucose, fructose) ने भरलेले असतात. त्यामुळे झटपट ऊर्जा मिळते आणि थकवा दूर होतो. विद्यार्थ्यांसाठी आणि व्यायाम करणाऱ्यांसाठी उत्तम स्नॅक.

  ७) रोगप्रतिकारशक्ती वाढते

  अंजीरातील antioxidants आणि vitamins शरीराला संसर्गांपासून वाचवतात. सर्दी-जंतूसंसर्ग कमी होण्यास मदत होते.

  ८) रक्तातील हेमोग्लोबिन वाढते

  अंजीरात सहज पचणारे iron असते. त्यामुळे रक्तातील हिमोग्लोबिन वाढवण्यासाठी अंजीर विशेषतः उपयुक्त आहे.

  अंजीर कसे खावे?

  रात्री भिजवून सकाळी खा

  तसेच ड्राय फ्रूट म्हणून खाऊ शकता

  स्मूदी, खीर, सलाडमध्ये वापरू शकता

  साधारण २–३ अंजीर रोज पुरेसे आहेत.

  अंजीर हे साधं दिसणारं पण खूप पौष्टीक फळ आहे. पचन, हाडं, हृदय, त्वचा आणि ऊर्जा—शरीराच्या जवळपास प्रत्येक भागाला ते उपयोगी पडतं. म्हणूनच रोजच्या आहारात अंजीर ठेवले, तर शरीर जास्त निरोगी आणि तंदुरुस्त राहायला मदत होते.

  हा लेख तुम्हाला कसा वाटला? तुमचे मत आम्हाला कमेंटमध्ये जरूर कळवा.

  हे ही वाचा –ऊसाचे पाचट (पाला) काढण्याचे फायदे | Sugarcane Trash Management