राष्ट्रीय कुटुंब लाभ योजना हि एक केंद्र शासनाची योजना आहे.हि योजना आर्थिकदृष्ट्या कमकुवत असणाऱ्या कुटुंबासाठी राबवली जाते. अशा कुटुंबामध्ये घरातील एकाच व्यक्तीवर संपूर्ण कुटुंबाची जबाबदारी असते. दुर्दैवाने, या मुख्य व्यक्तीचा अचानक मृत्यू झाल्यास केंद्र सरकारकडून थेट मदत आर्थिक साहाय्य देण्यात येणार आहे.
योजनेचा उद्देश :
या योजनेचा मुख्य उद्देश असा कि, कुटुंबातील मुख्य कमवता सदस्य गमावल्यावर कुटुंब पूर्णपणे असहाय्य होऊ नये. आर्थिक संकटातून बाहेर पडण्यासाठी त्यांना तात्काळ मदत मिळावी आणि त्या कुटुंबाला काही प्रमाणात स्थैर्य निर्माण व्हावे आणि या योजनेद्वारे सरकार BPLकुटुंबाना एक रकमी आर्थिक सहाय्य देते आणि यामुळे पुढील काही महिन्यांचा खर्च आणि आवश्यक त्या गरजा भागवणे सोपे जाते. यामध्ये कुटुंबातील 18 ते 59 वयोगटांतील व्यक्तीसाठी आहे.
अर्ज कुठे करायचा ?
या योजनेसाठी अर्ज खालील कार्यालयामध्ये करता येतो.
- जिल्हाधिकारीकार्यालय
- तहसीलदारकार्यालय
- संजयगांधी निराधार योजना कार्यालय
- तलाठीकार्यालय
अर्ज केल्यानंतर आवश्यक ती तपासणी व पात्रता निश्चित झाल्यावर लाभार्थ्यास एक रकमी 20,000 इतकी आर्थिक मदत मंजूर केली जाते.
पात्रता :
1) अर्जदार भारतीय नागरिक असणे आवश्यक आहे.
2) अर्जदाराचे कुटुंब BPL (गरिबी रेषेखालील) यादीत असावे.
3) मृत व्यक्ती कुटुंबातील मुख्य कमावती असावी.
4) व्यक्तीचे वय मृत्यूसमयी 18 ते 59 असावे.
5) व्यक्तीचा मृत्यू नैसर्गिक कारणांनी किंवा अपघातामुळे झालेला असावा.
6) मृत व्यक्ती 3 वर्षांपासून वास्तव्यास त्या कुटुंबात असणे आवश्यक.
7) समाजकल्याण विभागाच्या कुटुंब यादीत असणे आवश्यक.
अर्ज प्रक्रिया :
राष्ट्रीय कुटुंब लाभ योजनेसाठी अर्ज करताना सुरुवातीला आवश्यक लागणारी कागदपत्रे जसे की मृत्यू प्रमाणपत्र, आधार कार्ड, उत्पन्नाचा दाखला आणि बीपीएलचा पुरावा तयार ठेवणे आवश्यक असते. त्यानंतर अर्जदाराने संकेत स्थळावर जाऊन ऑनलाइन अर्ज भरा. भरलेला अर्ज आणि संबंधित कागदपत्रे सेतू केंद्रामार्फत किंवा तहसील कार्यालयातील संजय गांधी योजनांच्या शाखेत सादर करा . पुढील टप्प्यात महसूल अधिकारी अर्जातील माहिती आणि कागदपत्रांची पडताळणी करतात; काही त्रुटी आढळल्यास अर्ज पुन्हा सुधारण्यासाठी परत पाठवला जातो. सर्व माहिती योग्य असल्याची खात्री झाल्यानंतर अर्ज तहसीलदारांकडे मंजुरीसाठी पाठवला जातो आणि तपासणी पूर्ण झाल्यानंतर लाभ मंजूर केला जातो.
राष्ट्रीय कुटुंब लाभ योजना ही गरीब व आर्थिकदृष्ट्या दुर्बल कुटुंबांसाठी अत्यंत महत्त्वाची सामाजिक सुरक्षा योजना आहे. या योजनेमुळे गरजू कुटुंबांना तात्काळ आधार मिळते आणि पुढील काळात आर्थिक स्थिरता राखण्यासाठी मदत होते.
अशाच उपयुक्त माहितींसाठी आम्हाला फॉलो करत रहा!
हे ही वाचा : नवीन विहीर , विहीर दुरुस्ती अनुदान योजना: पात्रता, अर्ज प्रक्रिया व कागदपत्रे
BALWAAN BS-20M : स्प्रेयर आत्ताच खरेदी करा
