शेतकरी शेतामध्ये दिवस-रात्र काबाडकष्ट करतात , पण त्यांना वृद्धापकाळात आर्थिक असुरक्षितेचा सामना करावा लागतो . यासाठी केंद्र सरकार व राज्य सरकार शेतकर्‍यांसाठी अनेक योजना राबवत असत . शेतकर्‍यांना आर्थिक आधार देण्यासाठी केंद्र सरकारने 2019 ला पीएम किसान मानधन योजना सुरू केली . या योजनेद्वारे शेतकऱ्यांना 60 वर्षांनंतर दरमहा ₹3,000 पेन्शन मिळते. ही पेन्शन मिळवण्यासाठी शेतकर्‍याला दरमहा 55 ते 200 रुपये जमा करावे लागतात .
ही रक्कम शेतकर्‍याच्या वयानुसार वेगवेगळी आहे. जर शेतकऱ्याचे वय 18 वर्षे असेल तर त्याला दर महिन्याला फक्त ₹55 जमा करावे लागतील. 21 वर्षे वयोगटातील शेतकर्‍याला दर महिन्याला ₹100 तर 40 वर्षे वय असलेल्या शेतकऱ्यांना दर महिन्याला ₹200 जमा करावे लागतील. या योजनेतील विशेष बाब म्हणजे शेतकरी ज्या प्रमाणे दरमहा हप्ता भरतो, त्याच प्रमाणात केंद्र सरकारही तितकीच रक्कम त्याच्या पेन्शन खात्यात जमा करते.
लहान व अल्पभूधारक शेतकरी योजनेचा लाभ घेऊ शकतात. या योजनेचा लाभ घेण्यासाठी दरमहा ₹55 जमा करावे लागतात. त्यानंतर सरकार देखील त्यात ₹55 जमा करते. अशा प्रकारे तुमच्या खात्यात दरमहा एकूण ₹110 जमा होत असतात.
योजनेची पात्रता
- लहान व अल्पभूधारक शेतकऱ्यांसाठी ही योजना आहे.
- वयाची अट: अर्जदाराचे वय 18 ते 40 वर्षे असावे.
कोणाला लाभ मिळणार नाही
- राष्ट्रीय पेन्शन योजना (NPS), ईपीएफ (EPF) सारख्या इतर पेन्शन योजनांशी जोडलेले शेतकरी.
- मोठे जमीनदार.
- संविधानिक पदांवर असलेले किंवा राहिलेले व्यक्ती.
- विद्यमान किंवा माजी खासदार/आमदार.
- केंद्र किंवा राज्य सरकारी कर्मचारी.
- डॉक्टर, इंजिनिअर, वकील यांसारखे व्यावसायिक.
अर्ज प्रक्रिया:
- जवळच्या CSC सेंटरला भेट द्या
- अर्ज करताना आधार कार्ड, बँक खाते पासबुक, मोबाईल नंबर आणि पासपोर्ट आकाराचे फोटो आवश्यक असते.
- ऑनलाईन अर्ज भरतील
- बँकेतून मासिक हप्ता ऑटो डेबिट होईल (LIC मार्फत)
- पडताळणीनंतर तुम्हाला युनिक पेन्शन नंबर मिळतो
अर्जासाठी लागणारी कागदपत्रे
- आधार कार्ड
- ओळखपत्र
- बँक खाते पासबुक
- पत्रव्यवहाराचा पत्ता
- मोबाईल नंबर
- पासपोर्ट आकाराचे छायाचित्र
जर शेतकरी या योजनेत सहभागी झाल्यानंतर त्याचा मृत्यू झाला, तर त्याच्या पत्नी किंवा पतीला पेन्शनचा लाभ मिळतो. ही योजना शेतकर्‍यांसाठी खूप उपयुक्त आहे . अशा प्रकारे ही योजना केवळ शेतकऱ्यालाच नव्हे तर त्याच्या कुटुंबालाही आर्थिक सुरक्षेचा आधार आहे .
