शेतकरी अपघात विमा योजना : शेतकरी हा आपल्या देशाच्या आर्थिक व्यवस्थेचा प्रमुख आधार आहे, पण शेतीचे काम करताना अपघात होण्याची शक्यता नेहमीच असते. अशा अपघातांमुळे अनेकदा शेतकऱ्यांचा मृत्यू किंवा अपंगत्व होतं, ज्यामुळे त्यांच्या कुटुंबावर आर्थिक आणि सामाजिक दोन्ही ताण येतो. यासाठी शेतकरी अपघात सुरक्षा योजना सुरु करण्यात आली आहे, जी शेतकऱ्यांसाठी मोठा आधार आहे.

योजनेचा मुख्य उद्देश

या योजनेचा मुख्य उद्देश म्हणजे शेतकऱ्यांना लवकरात लवकर व तातडीने मदत मिळवून देणे. जर शेतात अपघात झाला, तर नुकसानग्रस्त शेतकऱ्यांना जलद आर्थिक सहाय्य मिळते, ज्यामुळे कुटुंबाची परिस्थिती सांभाळता येते. योजनेचा वापर खूप सोपा आहे. गोपीनाथ मुंडे शेतकरी अपघात सुरक्षा योजनेचा लाभ आता महाडीबीटी पोर्टलवरून थेट ऑनलाइन मिळू शकतो. यामुळे शेतकऱ्यांना कार्यालयात फेर्‍या न करता घरबसल्या मदत मिळते.

या योजनेचा लाभ महाराष्ट्रातील शेतकऱ्यांना मिळतो. शेतीची कामे करताना जर शेतकऱ्याला अपघात झाला असेल, तर या योजनेसाठी अर्ज करता येतो. अपघातात शेतकऱ्याचा मृत्यू झाल्यास, त्यांच्या कुटुंबातील वारसदाराला सरकारकडून आर्थिक मदत दिली जाते.

योजनेचे लाभ

• अपघातात शेतकऱ्याचा मृत्यू झाल्यास २ लाख रुपये आर्थिक मदत
• एक डोळा किंवा एक अवयव कायमस्वरूपी निकामी झाल्यास १ लाख रुपये मदत
• मदतीची रक्कम थेट लाभार्थ्याच्या बँक खात्यात जमा केली जाते

कोणत्या घटकांसाठी मदत मिळते?

या योजनेअंतर्गत खालील कारणांमुळे झालेल्या अपघातांना मदत दिली जाते:

• शेतीकाम करताना झालेले अपघात
• पाण्यात बुडून मृत्यू
• साप, विंचू किंवा इतर विषारी प्राण्यांचा दंश
• विजेचा धक्का लागणे
• वीज पडणे, पूर, वादळ यांसारख्या नैसर्गिक आपत्ती
• रस्ते अपघात किंवा वाहन अपघात
• जनावरांच्या हल्ल्यामुळे झालेले अपघात
• कीटकनाशक किंवा विषबाधेमुळे होणारे अपघात

अर्ज प्रक्रिया पूर्णपणे ऑनलाइन

पूर्वी या योजनेसाठी अर्ज ऑफलाइन पद्धतीने करावे लागत होते. मात्र आता ही संपूर्ण प्रक्रिया महाDBT पोर्टलद्वारे ऑनलाइन पद्धतीने करण्यात आली आहे.

• अर्ज सादर करणे
• कागदपत्रांची छाननी
• मंजुरी प्रक्रिया
• अनुदान थेट बँक खात्यात जमा

यामुळे प्रक्रिया अधिक पारदर्शक, सोपी आणि वेगवान झाली आहे.

गोपीनाथ मुंडे शेतकरी अपघात सुरक्षा सानुग्रह योजना ही शेतकरी आणि त्यांच्या कुटुंबासाठी अत्यंत महत्त्वाची योजना आहे. अपघाताच्या कठीण काळात ही योजना आर्थिक आधार देण्याचे काम करते. ऑनलाइन प्रक्रियेमुळे आता मदत मिळणे अधिक सुलभ झाले आहे.

हा लेख तुम्हाला कसा वाटला ते नक्की कळवा.

हे ही वाचा :बळीराजा शेत पाणंद रस्ते योजना: शेतकऱ्यांना मिळणारे फायदे व नवीन बदल