राज्य आणि केंद्र सरकार कडून शेतकर्‍यांसाठी शेती आणि शेती सलग्न व्यवसायासाठी योजना येत असतात ,त्यातच दुधाळ गाई आणि म्हशी वाटप अशी एक योजना आहे . ऑनलाइन पद्धतीने लाभार्थी निवडीची प्रक्रिया सुरू आहे , अर्जदाराना अर्ज करण्याची मुदत दि॰ 3 मे 2025 ते दि 2 जून 2025 पर्यंत होती पण आता ज्यांनी या कालावधी मध्ये अर्ज केला नाही त्या नवीन लाभार्थ्यांना नवीन नोंदणी व अर्ज करता येणार आहे.
लाभार्थ्यांनी ऑनलाइन अर्ज केल्यानंतर, पुढील टप्प्यात वेळापत्रकानुसार कागदपत्रे अपलोड करण्यासाठी स्वतंत्र कालावधी देण्यात येतो. त्यामुळे अर्ज केल्यानंतर वेळोवेळी अधिकृत वेबसाईट किंवा स्थानिक पशुसंवर्धन कार्यालयाकडून मिळणाऱ्या सूचना व वेळापत्रकावर लक्ष ठेवणे अत्यंत आवश्यक आहे. योग्य वेळी कागदपत्रे अपलोड न केल्यास अर्ज बाद होऊ शकतो. ही सुविधा फक्त यंदा (२०२५-२६) नव्याने अर्ज करणाऱ्यांसाठीच आहे.
२०२१-२२, २०२२-२३ किंवा २०२३-२४ मध्ये अर्ज केलेल्यांनी पुन्हा अर्ज करू नये.
अर्जदार प्राधान्य नियम
- महिला बचत गटांचे सदस्य
- 1 ते 2 हेक्टर पर्यंतचे अल्पभूधारक शेतकरी
- रोजगार/स्वयंरोजगार कार्यालयात नोंद असलेले सुशिक्षित बेरोजगार
लाभार्थ्यांना मिळणारे आर्थिक सहकार्य
गाईसाठी प्रकल्प खर्चाचे तपशील (2 गायींचा गट)
| बाब | रक्कम (₹) |
| प्रत्येक गायीची किंमत | ₹70,000/- |
| एकूण 2 गायींची किंमत | ₹1,40,000/- |
| 3 वर्षांचा विमा (10.20% + 18% सेवा करासह) | ₹16,850/- |
| एकूण प्रकल्प किंमत | ₹1,56,850/- |
म्हशीसाठी प्रकल्प खर्चाचे तपशील (2 म्हशींचा गट)
| बाब | रक्कम (₹) |
| प्रत्येक म्हशीची किंमत | ₹80,000/- |
| 2 म्हशींची एकूण किंमत | ₹1,60,000/- |
| 3 वर्षांचा विमा (10.20% + 18% GST सह) | ₹19,258/- |
| एकूण प्रकल्प खर्च | ₹1,79,258/- |
अनुसूचित जातीसाठी शासकीय अनुदान (शॉर्ट मध्ये):
गायींचा गट (₹1,56,850):
▪️ अनुदान: ₹1,17,638 (75%)
▪️ स्वहिस्सा: ₹39,212 (25%)
म्हशींचा गट (₹1,79,258):
▪️ अनुदान: ₹1,34,443 (75%)
▪️ स्वहिस्सा: ₹44,815 (25%)
शासन 75% खर्च उचलते, लाभार्थ्याला फक्त 25% भरावा लागतो.
अनिवार्य कागदपत्रे (सर्व अर्जदारांसाठी):
- फोटो ओळखपत्राची सत्यप्रत
- 7/12 उतारा (सातबारा)
- 8 अ उतारा
- अपत्य दाखला / स्वयंघोषणा पत्र
- आधारकार्ड
- रहिवासी प्रमाणपत्र
- बँक खाते पासबुकाची झेरॉक्स
- रेशनकार्ड / कुटुंब प्रमाणपत्र (एकाच कुटुंबातील एकच अर्ज)
असलेल्या अटींनुसार लागणारी कागदपत्रे:
- 7/12 मध्ये नाव नसल्यास – कुटुंबाचे संमती पत्र / जमीन भाडे करारनामा
- अनुसूचित जाती/जमाती असल्यास – जातीचा दाखला
- BPL (दारिद्र्य रेषेखालील) प्रमाणपत्र
- दिव्यांग असल्यास – दिव्यांग प्रमाणपत्र
- बचत गट सदस्य असल्यास – गटाचे प्रमाणपत्र / गट बँक पासबुकची पहिली पाने
अर्जदाराची पात्रता सिद्ध करणारी कागदपत्रे:
- वयाचा पुरावा (जन्मतारीख)
- शैक्षणिक पात्रतेचा दाखला
- रोजगार / स्वयंरोजगार नोंदणी कार्ड
- प्रशिक्षण घेतले असल्यास – प्रशिक्षण प्रमाणपत्र
अधिक माहितीसाठी संपर्क करा:
पशुधन विकास अधिकारी (विस्तार) – पंचायत समिती कार्यालय
जिल्हा पशुसंवर्धन अधिकारी / उपआयुक्त – जिल्हा स्तरावरील कार्यालय
कॉल सेंटर: 1962 (सकाळी 7 वाजता ते संध्याकाळी 6 वाजेपर्यंत)
तांत्रिक अडचणीसाठी हेल्पलाइन: 8308584478 (संपर्क वेळ: सकाळी 10 ते संध्याकाळी 6)
अर्ज कसा कराल?
https://ah.mahabms.com या अधिकृत संकेतस्थळाला भेट द्या
किंवा
गुगल प्ले स्टोअर वरून “AH-MAHABMS” मोबाईल अ‍ॅप डाउनलोड करा.
टॉप मेनूमधील “अर्जदार नोंदणी” या पर्यायावर क्लिक करा.
आवश्यक माहिती भरून नोंदणी पूर्ण करा.
