नवी दिल्ली येथे जीएसटी कौन्सील ची बैठक पार पडली . केंद्रीय अर्थमंत्री निर्मला सीतारामन यांनी बुधवारी 3 sep ला जीएसटी बद्दल एक मोठी घोषणा केली , त्यांनी जीएसटी च्या दरामध्ये बदल केल्याच जाहीर केल . आपल्या भारत देशामध्ये 2017 साली जीएसटी लागू केला होता . त्यामध्ये एकूण जीएसटी चे 4 स्लॅब होते , पण यामध्ये बदल करण्यात आले आहेत . आधी 5%,12%,18%,आणि 28% असे 4 स्लॅब होते पण त्यातील 12 टक्क्याचा आणि 28 टक्क्याचा स्लॅब रद्द करण्यात आला आहे त्यामुळे देशात इथून पुढे फक्त 5 टक्के आणि 18 टक्के हे दोन च जीएसटी स्लॅब असतील . जीएसटी चे हे नवीन दर 22 संप्टेंबर पासून लागू होतील . या नव्या जीएसटी दारमुळे शेतकरी , सर्वसामान्य नागरिकांना मोठा दिलासा मिळणार आहे .
दिल्ली येथे पार पडलेल्या 56 व्या जीएसटी कौन्सील च्या बैठकीत नव्या टॅक्स चा प्रस्ताव केला , यामधील 12% आणि 28% चा स्लॅब रद्द केला . यामध्ये दैनंदिन वापरातील वस्तूंवरील टॅक्स हा कमी आहे तर महागड्या आणि हानिकारक वस्तूंवर 40% इतका टॅक्स लागू केला गेला आहे . आता २८% करदरातील बर्‍याच वस्तू थेट १८% स्लॅबमध्ये आणण्यात आल्या आहेत, तर १२% करदरातील वस्तू ५% स्लॅबमध्ये गेल्या आहेत. शेतीसाठी लागणारे अनेक पूरक सामान, दैनंदिन गरजेच्या वस्तू आणि ग्रामीण भागात जास्त वापरल्या जाणाऱ्या वस्तु आता स्वस्त होणार आहेत
५% जीएसटी स्लॅबमधील वस्तू
दैनंदिन वापर – केसांचे तेल, शॅम्पू, टूथपेस्ट, साबण, भांडी, नॅपकिन्स, दूध-तूप-दही, चीज.
आरोग्य – थर्मामीटर, ऑक्सिजन उपकरणे, डायग्नॉस्टिक किट्स, ग्लुकोमीटर.
कृषी – ट्रॅक्टर टायर, पार्ट्स, सिंचन यंत्रणा, स्प्रिंकलर.
खाद्यपदार्थ – मासे, साखर, चॉकलेट, पास्ता, कॉर्नफ्लेक्स, नूडल्स, बिस्किटे, जॅम, जेली, सुकेमेवे, आईस्क्रीम, मिठाई.
इतर – सायकल, हस्तकला वस्तू, बांबू फर्निचर, कंगवे, छत्र्या, कपडे (₹२५०० पर्यंत), चपला.
१८% जीएसटी स्लॅबमधील वस्तु
लहान पेट्रोल/डिझेल कार, तीन चाकी वाहने, 350cc खाली मोटारसायकली, मालवाहतूक वाहने
एसी, LED/LCD टीव्ही, मॉनिटर, प्रोजेक्टर, डिशवॉशर, वॉशिंग मशीन
₹2500 पेक्षा जास्त किंमतीचे कपडे
सिमेंट, कोळसा, ग्राफिक पेपर
40% जीएसटी स्लबमधील वस्तु
पान मसाला, गुटखा, सिगरेट, बीडी, तंबाखू उत्पादने
कॅफिनयुक्त व अल्कोहोल नसलेले ड्रिंक्स, स्मोकिंग पाईप, रिहॉल्टर, पिस्तूल
350cc पेक्षा जास्त क्षमतेच्या बाईक्स, खाजगी विमानं, बोटी
कॅसिनो, जुगार, घोड्यांच्या शर्यती
लॉटरी व ऑनलाइन मनी गेमिंग
0% जीएसटी स्लबमधील वस्तु
जीवनरक्षक व कॅन्सरची औषधे , दुर्मिळ आजारांची औषधे
वैयक्तिक जीवन विमा व आरोग्य पॉलिसी
शैक्षणिक साहित्य – नकाशा, चार्ट, ग्लोब, पेन्सिल, शार्पनर, क्रेयॉन्स, अभ्यासाची पुस्तके, वही, खोडरबर
पॅक दूध, पनीर , पाव, खाखरा, चपाती, पराठा