नवीन विहीर अनुदान योजना : राज्य सरकार आणि केंद्र सरकार शेतकर्‍यांच्या प्रगतीसाठी वेळोवेळ अनेक योजना राबवत असते. शेतकर्‍यांचे उत्पन्न वाढवणे आणि शेती अधिक सक्षम करणे हा सरकारचा कायम उद्देश राहिला आहे . या योजनाच्या माध्यमातून शेतकर्‍यांना आर्थिक मदत व विविध सुविधा पुरवल्या जातात. विशेषतः अनुसूचित जमातीतील शेतकऱ्यांसाठी शेती उत्पादन वाढवणे, पाण्याची उपलब्धता वाढवणे आणि शेती आधुनिक करण्यासाठी अनेक योजना सुरू करण्यात आल्या आहेत.

राज्य शासनाने ‘बिरसा मुंडा कृषी क्रांति योजना’ ही महत्वाची योजना सुरू केली आहे. या योजनेच्या माध्यमातून अदिवासी शेतकर्‍यांना सिंचन साधनाची सोय करून देणे. यात नवीन विहीर बांधकाम, जुन्या विहिरींची दुरुस्ती, शेतातील पाण्यासाठी प्लास्टिक आंतरसाठवण टाकी, वीजजोडणी ,सूक्ष्म सिंचन संच, सौर पंप, पर्सबाग, पाइपलाइन बसविणे, तराफा बांधकाम तसेच डिझेल/इलेक्ट्रिक शेती पंप यांचा समावेश आहे

अनुदानाची रक्कम

• नवीन विहीर बांधणी – ₹2,50,000 पर्यंत
• जुनी विहीर दुरुस्ती – ₹50,000 पर्यंत
• इनवेल बोअरिंग – ₹20,000 पर्यंत
• पंप संच – ₹20,000 पर्यंत
• वीज जोडणी शुल्क – ₹10,000 पर्यंत
• शेततळे प्लास्टिक अस्तरीकरण – ₹1,00,000 पर्यंत
• सूक्ष्म सिंचन संच
• ठिबक सिंचन – ₹50,000 पर्यंत
• तुषार सिंचन – ₹25,000 पर्यंत
• पीव्हीसी पाइप – ₹30,000 पर्यंत
• पर्सबाग/किचन गार्डन – ₹500 पर्यंत

ही योजना कोणत्या जिल्ह्यांमध्ये लागू?

मुंबई, सिंधुदुर्ग, रत्नागिरी, सातारा, सांगली आणि कोल्हापूर वगळता महाराष्ट्रातील इतर सर्व जिल्ह्यांमध्ये ही योजना राबविली जाते.

 

पात्रता

• अनुसूचित जमाती प्रवर्गातील शेतकरी असणे आवश्यक आहे.
• लाभार्थीने जातीचा वैध दाखला सादर करणे बंधनकारक आहे.
• जमिनीचा 7/12 अथवा 8-A उतारा सादर करणे आवश्यक.
• शेतकऱ्याचे वार्षिक उत्पन्न सरकारने निश्चित केलेल्या मर्यादेत असावे.
• उत्पन्नाचा दाखला अनिवार्य.
• किमान 0.20 हेक्टर ते कमाल 6 हेक्टरपर्यंत जमीनधारकांसाठी योजना लागू.
• नवीन विहिरीसाठी किमान 0.80 हेक्टर जमीन असणे आवश्यक.
• याआधी संबंधित योजनेअंतर्गत पूर्ण लाभ घेतला असल्यास पुढील 5 वर्षे पुन्हा लाभ मिळणार नाही.

अर्ज करण्याची पद्धत

महाडीबीटी योजनेंतर्गत ऑनलाइन अर्ज करण्यासाठी सर्वप्रथम mahadbt.maharashtra.gov.in हे सरकारी संकेतस्थळ उघडा. नवीन अर्जदारांनी आधी नोंदणी करून स्वतःचे लॉगिन तयार करावे आणि नंतर पोर्टलवर साइन इन करावे.फॉर्ममध्ये मागवलेली जात, उत्पन्न, जमीन इत्यादींची सर्व आवश्यक कागदपत्रे स्कॅन करून प्रणालीवर अपलोड करावी. अखेरीस अर्ज सबमिट करा .

हा ब्लॉग तुम्हाला कसा वाटला ते नक्की कमेंटमध्ये कळवा, आणि अशा आणखी माहितीपूर्ण लेखांसाठी ब्लॉगला फॉलो/शेअर करायला विसरू नका.

हे ही वाचा – तार कुंपण अनुदान योजना 2025 : सरकारकडून शेतकऱ्यांसाठी 90% अनुदान, आजच अर्ज करा