रॉकेल वाटप GR जाहीर: महाराष्ट्र राज्यात गेल्या काही वर्षांपासून केंद्र सरकारच्या विविध योजनांद्वारे, विशेषतः उज्ज्वला योजनेमुळे, मोठ्या प्रमाणावर एलपीजी गॅस कनेक्शनचे वितरण करण्यात आले आहे. त्यामुळे अनेक कुटुंबांनी पारंपरिक इंधनांपासून गॅसकडे वळण्यास सुरुवात केली.
याच पार्श्वभूमीवर, गॅस कनेक्शन असलेल्या कुटुंबांना रॉकेल (केरोसीन) देण्यावर मर्यादा आणण्याबाबत न्यायालयानेही निर्देश दिले होते. त्यामुळे राज्यात रॉकेलचे वितरण काही प्रमाणात कमी करण्यात आले होते.
बदलत्या परिस्थितीत घेतलेला नवीन निर्णय
सध्या देशातील बदलत्या भूराजकीय परिस्थितीमुळे एलपीजी गॅसचा तुटवडा जाणवत आहे. या परिस्थितीचा विचार करून केंद्र शासनाने महाराष्ट्र राज्यासाठी ३,७४४ किलोलीटर (३७,४४,००० लिटर) रॉकेल वाटपाला मंजुरी दिली आहे (दिनांक १२ मार्च २०२६).
राज्य शासनही एलपीजीचा पर्याय म्हणून पुन्हा रॉकेल वितरण वाढवण्याच्या विचारात असून, त्यानुसार नवीन मार्गदर्शक सूचना जारी करण्यात येत आहेत.
महाराष्ट्रातील रॉकेल वाटप – मुख्य माहिती
1) एकूण वाटप
- महाराष्ट्रासाठी ३,७४४ KL (३७.४४ लाख लिटर) रॉकेल मंजूर
2) प्रति लाभार्थी वाटप
- प्रत्येक कुटुंब / शिधापत्रिका धारकाला ३ लिटर रॉकेल मिळणार
कोणाला मिळणार रॉकेल?
- पिवळं (AAY) आणि केशरी (PHH) रेशन कार्डधारकांना सर्वात आधी रॉकेल मिळेल
- जे आधीपासून रॉकेल घेत होते, त्यांनाही प्राधान्य दिलं जाईल
- रेशन कार्ड नसले तरी गरजू कुटुंबांना, ग्रामपंचायत पुरावा असल्यास रॉकेल मिळू शकतं
- स्थलांतरित (मायग्रंट) मजूरांनाही ओळखपत्रावर रॉकेल मिळेल
रॉकेल कधी आणि कसं घ्यायचं?
- रॉकेलचं वाटप मार्च 2026 मध्ये होणार आहे
- तुमच्या नावावर रॉकेल आल्यानंतर ४५ दिवसांच्या आत घ्यावं लागेल
- जर वेळेत घेतलं नाही तर ते पुढे मिळणार नाही (लॅप्स होईल)
जिल्ह्यानुसार वाटप कसं होणार?
- प्रत्येक जिल्ह्याला किती रॉकेल मिळणार हे सरकार आधीच ठरवतं
- याची माहिती सरकारी आदेश (GR) मध्ये दिलेली असते
- किंवा तुम्ही तुमच्या रेशन दुकान / पुरवठा विभागात विचारू शकता
सरकारच्या या निर्णयामुळे गॅस टंचाईच्या काळात अनेक कुटुंबांना दिलासा मिळणार आहे.
पण प्रत्येक रेशन कार्डवर फक्त ३ लिटर रॉकेल मिळणार असल्याने, त्याचा योग्य वापर करणं महत्त्वाचं आहे.
हे ही वाचा : खासगी दस्त नोंदणी केंद्रांना मंजुरी ; नागरिकांना किती पैसे मोजावे लागणार?
Balwaan Krishi Battery Sprayer BS-30G हा शेतकऱ्यांसाठी एक स्मार्ट आणि मजबूत पर्याय आहे.
आजच खरेदी करा आणि फवारणीचं काम सोपं करा!