राज्यात पावसाचा कहर, सामान्य जीवन विस्कळीत
महाराष्ट्रात पावसाने जोरदार हजेरी लावली असून, मराठवाड्याला पावसाचा इशारा दिला आहे ,अनेक जिल्ह्यांमध्ये जनजीवन विस्कळीत झाले आहे. घरांमध्ये पाणी शिरणं, दरडी कोसळणं, रस्ते बंद होणं यामुळे परिस्थिती अधिक गंभीर बनली आहे. हवामान विभागाने दिलेल्या अलीकडील इशाऱ्यांनुसार पुढील २४ तास अत्यंत महत्त्वाचे आहेत.
रेड अलर्ट जारी – कोणते आहेत हे ७ जिल्हे?
राज्यातील सिंधुदुर्ग ते गोंदिया या भागांमध्ये मुसळधार पावसाचा धोका निर्माण झाला आहे. हवामान विभागाने या जिल्ह्यांना रेड अलर्ट दिला आहे. नागरिकांनी घराबाहेर पडताना आवश्यक काळजी घेण्याचे आवाहन करण्यात आले आहे.
कोकणात पावसाचं धुमशान
- रायगड, रत्नागिरी, सिंधुदुर्ग जिल्ह्यांत १७ ते २० जून दरम्यान अतिमुसळधार पावसाचा इशारा.
- मुंबई, ठाणे, पालघर येथे १८ जूनला मुसळधार पावसाची शक्यता.
- १९ व २० जूनला पावसाचा जोर थोडा कमी होईल.
मध्य महाराष्ट्र – घाटमाथ्यावर धोका
- पुणे, कोल्हापूर, सातारा येथे घाटमाथ्यावर अतिवृष्टीची शक्यता.
- दरडी कोसळणे, रस्ते बंद होणे अशा आपत्तींमुळे खबरदारी घ्यावी.
- मैदान भागात हलका ते मध्यम पाऊस राहणार.
उत्तर महाराष्ट्रात विजांसह पाऊस
- धुळे, नंदुरबार, जळगाव येथे १७ ते २० जूनदरम्यान विजांच्या कडकडाटासह हलका ते मध्यम पाऊस.
- काही भागांत वीज पडण्याची शक्यता – नागरिकांनी सुरक्षितता पाळावी.
मराठवाडा – मराठवाड्याला पावसाचा इशारा!
- छत्रपती संभाजीनगर, जालना, बीड, लातूर, धाराशिव, परभणी, नांदेड, हिंगोली जिल्ह्यांमध्ये १७ ते २० जूनदरम्यान हलका पाऊस.
- परभणी, हिंगोली, नांदेड जिल्ह्यांत २० जून रोजी वादळी वाऱ्यांसह वीजांचा इशारा.
- शेतकरी आणि नागरिकांनी सौर उपकरणे, जनावरांची देखभाल याबाबत खबरदारी घ्यावी.
पावसाचा जोर वाढत चालला असतानाच हवामान विभागाच्या इशाऱ्यांकडे दुर्लक्ष न करता नागरिकांनी खबरदारी बाळगणे अत्यंत गरजेचे आहे. आपत्ती टाळण्यासाठी सतर्कता आणि सजगता हाच उपाय आहे.
