आजच्या बाजारपेठेची झलक पाहायची झाली, तर काही पिकांनी निराशा केलीय, तर काहींनी शेतकऱ्यांच्या चेहऱ्यावर हास्य फुलवलंय. विशेषतः उडीद, शेवगा, गाजर, गवार आणि भोपळा यांच्या बाजारातील हालचाली खूपच महत्त्वाच्या ठरल्या आहेत.
उडदाचे भाव अजूनही दबावात
सध्या उडीद शेतकऱ्यांना हमीभावापेक्षा तब्बल ₹1000 ते ₹1500 पर्यंत कमी दराने विकावा लागत आहे.
सध्याचे बाजारभाव: ₹6000 – ₹6500 प्रतिक्विंटल
यामागील मुख्य कारण म्हणजे वाढती आयात आणि देशांतर्गत बाजारातील पुरवठा.
अभ्यासकांचा अंदाज: उडीद बाजारात चढ-उतार होणार असले, तरी सध्या तरी दर वाढण्याची शक्यता कमीच आहे.
शेवग्याची झेप कायम!
शेवग्याच्या बाजारात चांगली तेजी आहे. यावर्षी पाऊस आणि वातावरणातील बदलांमुळे उत्पादन कमी झाले.
सध्याचे दर: ₹5000 – ₹6000 प्रतिक्विंटल
आवक कमी आणि मागणी जास्त — हीच तेजीचं मुख्य कारण!
पुढील काही आठवडेही शेवग्याचे दर तेजीत राहण्याची शक्यता व्यापाऱ्यांनी व्यक्त केली आहे.
गाजर बाजारातही स्थिरता
गाजराला चांगला उठाव मिळतोय, पण मे महिन्यात झालेल्या पावसामुळे पिकाचं नुकसान झालं आहे.
सध्याचे दर: ₹2000 – ₹2500 प्रतिक्विंटल
पुढील काळातही गाजराची आवक मर्यादित राहील, त्यामुळे दर टिकून राहतील.
भोपळ्याला चांगला प्रतिसाद
दुधी भोपळ्याची आवक कमी असूनही ग्राहकांचा उत्तम प्रतिसाद मिळतो आहे.
सध्याचे दर: ₹2000 – ₹2500 प्रतिक्विंटल
आवक मर्यादित आणि मागणी स्थिर असल्याने दर टिकून राहण्याचा अंदाज.
गवारचे दर झपाट्याने वाढले!
गवारच्या बाजारात गेल्या दोन आठवड्यांत जोरदार तेजी पाहायला मिळाली.
सध्याचे दर: ₹6000 – ₹7000 प्रतिक्विंटल
एप्रिल-मे महिन्यातील खराब हवामान आणि पावसामुळे गवारचे पीक फसले. त्यामुळे बाजारात कमी पुरवठा झाला आणि भाव चढले.
व्यापाऱ्यांचा अंदाज: गवारची आवक कमीच राहणार असल्यामुळे दर कायम राहण्याची शक्यता.
बातमी अपडेटसाठी आणि बाजारभाव विश्लेषणासाठी आमचा ब्लॉग नियमित वाचा.
